posts | comments | archives | links | create | song
(reminder: all quotes here are fiddled, probably.)

約21:1-19


沒有一個敢問他你是誰
約21:1-19


FACE OFF的橋段, 二千年前的版本.

耶穌復活後, 在提比利亞海第三次向門徒顯現. 這一次, 他易了容. 門徒只憑他的言行舉止認出是他. 吃早點後, 這個易了容的耶穌問彼得你愛我比這些更深麼. 如此「入肉」的問題, 彼得回答的時候, 望著這副陌生的面孔, 究竟有多認定他真是耶穌?

無怪乎耶穌要再三問他.


* * *

彼得曾三次不認主, 對比這一趟耶穌三次問他你愛我嗎, 問得他都困了. 然後耶穌才鄭重告訴彼得, 日後終要殉道. 彼得怎樣回答, 我們不知道. 我們只知道, 耶穌最後對彼得說: 你跟隨我吧. 經課就結束了.

Labels:

11 Comments:

:: Blogger C.M. (19.04.10, 20:00   ) sagt...

阿女臨睡前要我講耶穌復活既故事,問左好多次,已經無曬貨,我準備要開燈,攞住本書同佢講。(你提到呢段,多謝)

如果你說的Face-off不是一個比喻,嗯,我會認為不是face-off,不是易容,不是變臉,而是死人復活的事太令人難以置信。


甚至或許正如當時彼得的反應(設計想法):

下,耶穌你唔係真係復活下化?你唔好真係叫我去跟從你啦。你睇,你走左一天都光曬,點解要返黎捉我去跟你呢?你死左我咪可以當又一day囉,打魚唔好咩?我知你錫我... 就係知你錫我,我先至唔敢同自己講你未死嘛。何況,我死之前我已經三次唔認你,點解你仲咁纏住我...?(一路諗,一路weeping)你依家仲死追住我... 叫我點拒絕你...

門徒查實(我估)早就認得耶穌,只係,唔想係事實,或者唔敢接受係事實,又或者唔敢相信原來自己對耶穌既愛,係可以咁少。



:: Blogger sf (20.04.10, 00:36   ) sagt...

"耶穌從死者中復活後,向門徒顯現,這已是第三次。" (約21:14)

建議先重讀前一章.



:: Blogger C.M. (20.04.10, 10:06   ) sagt...

這個我當然記得,昨晚也重溫過。

彼得這個情景讓我想起約拿,也讓我想起彼得三次不認主,亦讓我想起聖經中對於耶穌樣貌描述的缺乏。

我想象不到face-off,但我想象兩個可能:

1. 耶穌的樣貌太太太太太太太不屑一記,也不能讓人有深刻印象。

2. 耶穌所行的事為人所帶來的印象,掩蓋了耶穌本身的樣貌。

很多戲劇或電影都有描寫過驚見親人原來未死時所感受到的不可思議 - (鬼呀!媽呀,你有冇下巴架...等等),但彼得的跳水反應,不是比見到鬼更奇怪嗎?彼得在耶穌死後,不是披麻戴孝,復活後,不是追隨他,而是嫁娶如常、捕魚如常,然後耶穌三次要他跟隨,他也裝作聾耳陳。

所以我這樣肯定(斷定)外表,是認得的,但要接受,是另一回事了。

可能嗎?



:: Blogger sf (22.04.10, 22:52   ) sagt...

還是那一句, 請重讀第二十章, 尤其留意19至29節, 門徒看見耶穌後的反應. (姑且不管他們認為自已見鬼還是耶穌復活了.)



:: Blogger C.M. (23.04.10, 00:27   ) sagt...

好。



:: Anonymous p.e.t.e.r. (23.04.10, 21:53   ) sagt...

再三睇咗N次兩位嘅討論,我首先想指出當我睇到船山先生所強調嘅"沒有一個敢問他你是誰"嘅時候(連上一章),我都覺得既然復活後之前都見過兩次,点解呢度會又咁講呢?但坦白講,如果話喺face off的話,咁之前多馬就算探手入釘痕度都冇意思喇(因為可以喺第二個被釘㗎遮,唔喺果個樣点說服得多馬吖?),咁既然之前都冇face off,点解今次又會咁搞呢?好似除咗face off冇第二個更合理嘅解釋喇。

我反覆睇咗20-22章之後,想對比其他福音書嘅記載果陣,突然諗返起呢本書喺四福音之中最後成書嘅一本,佢嘅寫作目的除咗喺記載耶穌生平事跡之外,重想向全世界指出佢喺神同時亦喺想補充其他三本所冇嘅內容。所以呢部份嘅內容喺佢獨有嘅。

睇返其他三本書,馬太喺寫比猶太人睇嘅目的喺要establish佢喺有王室嘅血統而馬可呢就喺寫比非猶太人睇,不過佢哋兩個一講到復活就好似趕住收工咁草草了事。喺得路加醫生嘅復活後事跡比較詳盡啲,但佢都冇約翰果部份嘅資料。因為約翰想強調佢喺神(約20:31),所以亦將佢復活後升天前嘅事再三"逐一"舉例,咁睇的話就明白点解多馬果次都冇face off,後來彼得果次約翰又會寫"沒有一個敢問他你是誰"。因為佢喺,強調緊另一個復活後嘅事件,而啲門徒唔喺見鬼,佢真喺復活咗。

又,睇返馬可最後一章講佢昇天前重喺度話有啲門徒唔信其他門徒見過佢,如果佢真喺成日喺度玩face off,咁就好難怪人㗎播。我喺啲門徒就會同佢講:大佬,我鬼知嗰個喺你咩?你換咗第二個樣,我頂籠當你上咗第個人身咋播,想要我傳你復活咗你都比啲證據我同人講吖,玩face off?玩我嘢咩?

所以話佢玩face off呢樣嘢同成件事一齊睇講唔通。不過無可否認,就咁單獨睇果一段的話,的確好容易有呢個錯覺。

>無怪乎耶穌要再三問他

呢個喺用字(agape同phileo)嘅問題,相信大家都知道。...just in case, 呢度講得好清楚 http://michaelkelleyministries.wordpress.com/2009/02/09/do-you-love-me/



:: Blogger C.M. (23.04.10, 22:41   ) sagt...

p.e.t.e.r., my gratutide.

agape同phileo, 事前唔知,但其實,我感受兩者講「愛」既時候個分別,之不過我亦覺得,呢個分別,查實唔難感受到。



:: Blogger sf (25.04.10, 03:21   ) sagt...

p君,

1.所引的文章裡面討論到的兩點, 早有所聞. 亦是我服膺之說.

泊帖所記乃聽經課時候的感想. 當天思索的正是: 彼得回答如此問題, 本已滿心咎歉, 還得面對眼前一個陌生樣子, 心境到底如何.

2. 請注意可16:12.
(姑勿論信徒不信是否由於耶穌易容改裝.)



:: Blogger C.M. (25.04.10, 21:24   ) sagt...

(哎呀,補充一句,查實耶穌最尾果句“Peter, do you phileo me?”,我當時倒是沒有察覺)



:: Anonymous p.e.t.e.r. (27.04.10, 13:45   ) sagt...

先生

>乃聽經課時候的感想...本已滿心咎歉...心境到底如何
嗯...(姑勿論耶穌是否易容改裝),就身份上的問題而言,我相信彼得當時對耶穌的身份應該一點也沒有懷疑。否則:
1.一開始他就不會衝動到跳下水游上岸,
2.反覆問他是否愛耶穌時他也不會憂愁,
3.最後在他知道自己的結局時,更不會立即有心情去八卦約翰的將來以作比較。

>請注意可16:12
同一事件,路加醫生的記述更詳細,連當事人的對話和心理反應亦有細緻記錄。見路24:16*,31*。
類似"使眼目明亮"情況的記載有創3:5-7,21:19;民22:31;王下6:17等等。這些情況下都是觀察者自身的"狀態"有所改變--眼目明亮了--而非被觀察物在被觀察期間前後有所變更。

當然我不否定祂有改變外貌的能耐。不過個人認為就算復活前和復活後有所不同亦應是氣質上的分別而導致他人在觀感上有所迴異。如復活後重拾祂本來尊貴、榮耀、聖潔與父同等的氣質。這些都是他在降生後至被釘前所隱藏的本質。使其在世時能為眾門徒豎立謙卑模範為的榜樣。如非氣質上而是實質的容貌改變,則復活一說真是從何說起?怕當時要找人來驗DNA才能確定了。

>我當時倒是沒有察覺
那句才是這故事最精彩的部份!



:: Blogger C.M. (27.04.10, 14:01   ) sagt...

>>那句才是這故事最精彩的部份!

還在細味中。



coComment


:: Kommentar veröffentlichen
 (留言請留名, 謝!)


Links to this post:

:: Link erstellen

<< Home