船山筆記: Juli 2014

強梁者必消逝恰如輕塵

苦雨齋譯平家物語 (略改):

祇園精舍的鐘磬，
敲出諸行無常的響聲；
娑羅雙樹的花色，
顯示盛極必衰的道理。
驕奢者不久長，
猶如春夜的一夢；
強梁者必夷滅，
恰似風前的輕塵。

警察

坊間傳聞

以下內容係朋友叫我轉載，大家自己判斷啦

我係71當日有份係遮打道企天光，好多人口中嘅「警犬」。今次我唔係想話叫你地要體諒我地，而只係想講我睇到嘅事。

今次71真係搞到天光先清到場，我知嘅，我可以講嘅原因有三個：

1 ）因為遮打道唔同政總，兩邊都係行人路，我地唔可以亂叫d「行人」離開，亦因為咁，好多人睇住我地做野

2）今次d人真係郁都唔郁，有一d「本來會衝嘅人」（唔好問我講緊咩人咩鬼）都冇機會令現場混亂

3）真係第一次做「佔中」，而且上頭壓力係超大，樣樣決定都步步為營，所以搞咁耐

至於其他唔講得嘅原因…第一，我係警察，有啲野講左就係二五仔，第二，我唔想講左而令到上頭第時連風都唔放，因為其實依家我地入面都有好大矛盾。

當初新阿一上位，其實真係人人開心，最少好多伙計都話有咩面子，行必對住老黑講野都大聲d。但耐左，其實好多人都明依個頂爺係點，最大問題係所有上頭都要跟頂爺作風，你唔跟你冇運行。

以前出一次特別更、搞示威，briefing同依家好唔同，以前都係就咁講崗位、提醒下、聯絡野，依家take brief就真係好似打仗咁，同埋下下都要做畀記者睇，個會氣氛好差，阿頭唔爆粗，我地都會爆晒粗，我心諗，其實唔係689咁d人都唔會出來啦，佢地又點會走出來行丫。

依家差館有幾種人，1）文職咩都唔理，唔想理；2）撐兄弟嘅；3）撐市民，但唔出聲。

咁有冇撐市民，但會出聲？有，好少，多數都係果d老差骨，唔係唔埋堆就係根本升職無望果d。

樣樣我都講下啦，
1）文職咩都唔理，唔想理－其實佢地就算唔理，但日日都係見到好多怨氣嘅差佬，其實佢地心底都係撐手足多。

2）依d最多，第一，你想當紮你就要埋堆，而我頭先都講過，差唔多所有上司都要行「鷹派」風格，佢地要擦依一對鞋，點可以唔撐？（上次政總打記者果個3柴我估冇畀人鬧，仲一定有好多手足撐）而且好簡單，依家考差佬嘅個個都係讀書唔成，上面講兩句就咩都信，再加上一堆男人個個都以為自己係「英雄本色」主角，講義氣拜關二哥（其實仲有大把係一齊賭馬叫雞，不過黑腳就少d）果d大學生入來嘅自以為好醒，一來就高人幾班，但係其實同坐堂睇樓冇分別，仲要返工好多網都上唔到，要「教」佢地有幾難？仲有wor，facebook d警察page真係好多打手…我估架咋。

3）撐市民，但唔出聲－我都算係其中之一，冇得出聲架，一出聽就畀人屌，仲可能打小報告，我仲要見board，就算唔想紮，我都仲排緊宿舍，我學歷唔比毅進仔好，我辭左職，真係唔會搵得返一份薪高糧準有樓住嘅工，你話我仆街，係呀，你識隱形嘅入差館一轉丫，合埋眼齋聽聲，你都未必分到邊個係差人邊個係爛仔。

話返轉頭，我今次咁想講，其一係因為聽到立法會有人話要組民團幫警察，係好多人都支持，但今次真係有比較多聲音指話咁樣咪即係紅衛兵，仲要搶野做，我真係開始擔心

其二真係想提醒第時會出去衝嘅人，唉…我都唔知可以點講，我叫你地照衝，我就對唔住手足，我叫你地唔好衝，我又好撚肯定話你知你地齋坐我地就可以照拉，我地係現在9成人都已經入晒狀態，唔會因為你地叫，你地喊而動容，因為我做左幾年差佬，我可以好肯定話你知，人只要有權力，就可以成個人都變晒。

最後我想講兩樣野，

第一，如果你支持差佬，你試下去現場睇下咩叫「殺紅了眼」，你再諗下發事咩事。冇錯，我地平時係警察，除暴安良，但去到如政治有關，我地就只係冇靈魂嘅狗，可能會令你地好失望。不過你地都未必睇到，因為好多野我地都係用「冷處理」（即係拎架旅遊巴去晒太陽咁），你唔會明，亦唔會有位入。

第二，想同果1成仲知自己做緊咩嘅手足打下氣，其實我都唔知可以點做。

－－－－－－
完

March 3, 1994
Hong Kong Constitutional Reform

Governor Christopher Patten takes questions from members of the legislative council. Many of the questions focused on his proposal for constitutional reform which is currently before the legislature. Primarily, his reform package is designed to set the stage for parliamentary elections in 1995 and the return of Hong Kong to China in 1997. Under a 99 year lease with China, the British gained control of Hong Kong in 1898.

"Debate on Constitutional Reform." C-SPAN Video Library, 1994.
http://www.c-spanvideo.org/program/KongCo

hkhist1842, 立法局 - 問與答 (一), 立法局 - 問與答 (二),

"我說這番話不是公關技倆"

梁振英夫人唐青儀回應女割腕，點名斥蔡子強涼薄、冷血- YouTube

梁唐青儀出席活動後主動走近記者，回應女兒梁齊昕割脈事件。一開始她便強調家人對女兒的疼愛：「無論齊昕講咗啲乜嘢，做咗啲乜嘢，佢永遠都係我心愛嘅女兒，我係永遠永遠都咁支持佢，雖然佢發表嘅意見內容我係有所保留，但我絕對絕對支持亦都尊重齊昕發表意見嘅自由同埋權利」。

梁唐青儀亦呼籲傳媒、網民及社會各界人士「畀啲空間齊昕」，因為女兒需要寧靜的環境，不被外界騷擾；更希望此事於今日完結，並指此事是她們的家事，傳媒「唔好再作呢件事有其他、任何嘅報道或者批評」。

如果你聽到唐青儀的回應 (除了最後一段), 你會覺得蔡子強批評的是誰? 是他女兒還是父母? 是他女兒.

如此一來, 最後一段就奇怪了. 唐青儀最後以反問的方式總結, 讉責蔡子強虎毒不吃兒的講法冷血.

虎毒不吃兒是批評父母還是女兒?

到底蔡子強批評的是誰?

一讀蔡子強的文章就會知道, 事實正好相反. 蔡子強是同情他女兒, 批評他父母不應拿女兒作公關騷. 他批評的是父母, 不是女兒.

Google: 蔡子強, 如果是你的子女（政客版）

其實now記者似乎意識到這一點. 所以在播出唐青儀的回應後, 指出女兒受訪時已告訴信報記者, 割脈照公開後拍攝溫馨家庭照, 是受父親唆擺.