鄭君綿版 Seal with a kiss

讀陳雲, 入聲好過癮:

廣東話的入聲，除了傳達高亢孤絕的感情之外，也可滑稽詼諧。諸位可以在互聯網搜尋鄭君綿和林艷的詼諧歌《煲燶粥》（一九六五），調寄英文情歌Sealed with a Kiss，原曲用kiss、miss、this的短促音押韻，即是入聲押韻，廣東話配詞的《煲燶粥》正是全曲用入聲押韻，而且都是詼諧惹笑。

煲燶粥 (燒鑊桀 ~ Seal With a Kiss).

可惜網上不見此歌詞蹤跡. 因此, 邊聽邊默出歌詞, 以便流傳. 其中「因所Ｘ非畜牧」一句, Ｘ字無法辨認. 乍聽似學字, 但學字並不合音.

* * *

鄭君綿、林艷《煲燶粥》(youtube)
調寄 Sealed with a Kiss

男：你重弊過煲燶粥，確係鬥毒。
劏晒我籠雞，真殘酷。
重慘過割我～心胸一忽肉......
女：......我點會咁毒？

實在叫我看雞鴨，已是侮辱，
難怪我唔識唔熟。
並非鬥氣，因所[學]非畜牧......
男：......你鬼五馬六！

唔理我，只顧口福。
明鬥氣詐認唔熟。
女：平素最不喜養家畜，
重怕與獸類接觸。

偏偏看～雞～屋，氣味穢俗......
男：......你個性認真孤獨，
亂劏雞殺鴨，為乜憎厭六畜......
女：......嚴重到我呆木。


* * *

youtube 真是保存無形文化遺產的洞天.


* * *

PS: 又見一首入聲押韻流行曲

麻雀耍樂 1978 (youtube)
詞: 許冠傑、黎彼得
調寄 A Little Bit of Soap

留二索扣六索，一摸三七索，再捽一九五八認真泡，
求六索上二索，認真化鬼學，
諗起卡窿岩岩一講就來，轉下手摸一索。
等黐三索，甩岩七索，就叫六九索，
求六索有六索，敲崩檯角，呢鋪真係代表作。

最鬼憎係屋企咁寂寞，去猛搵腳兩頭騰，成日頻撲，
砌幾圈我身心最快樂，無本我照落埸，打親梗係主角。

甩到手軟起哂泡，兼側側膊，將Ｄ骰仔猛咁扑，
頭又重氣又嗽，口乾頸渴，幾大死做死搏。

叫碗粥，打通宵再直落，哎Ｄ野定定神，疲倦唔覺，
咬口煙，打鋪牌猛咁度，個袋帶定藥油，一於搵命仔搏。

甩到手軟起哂泡，兼側側膊，整包花生猛咁剝，
人人食到滿地殼，好似七國，打得真係爽咯。