呢鋪世界 (新粵謳解心1924)

其實搵人將佢rap出來都幾應景
(好似尹光個首 你老闆 咁)

珠海夢餘生廖鳳舒撰 (略改):

呢鋪世界，攪得咁離啦。
十幾年來，重爛過粥渣。[1]
人地話唔著攪時，我話攪至有變化。
東風唔攪，邊處有浪花。
索性大攪一場，免使耐唔耐又試攪吓。
唔曾瀉透，點醫得好絞腸痧。
唔信 你睇天氣翳埋，不久就有風球打。[2]
是必烏雲散晒，至免得把熱頭遮𠿪。[3]
你若係怕吹風，聽得佢微雨咁灑，
天陰就唔知幾耐，至現得出紅霞。
大抵人事與及天時，都係同一樣咁會轉卦。
但得你勿聽天來打卦，呢枝卦就轉得唔差。

嗱，唔係講假。[4]
總要大眾都擔起鋤頭一把，
把佢樹底下個的歪根邪蔃，掘到乾乾淨淨，再爆過新芽。

# (略改)
1.十五年來 原文為 十二年來
2.風球 原文為 風颶
3.𠿪 原文缺字
4.嗱 原文為 唉