戰前廣東話文學

珠海夢餘生(廖恩燾)《嬉笑集》〈漢書人物分詠〉

1.

荊軻嚇失佢三魂, 好在良官無搬親, 野仔執番條爛命, 龜公害盡幾多人, 監生點解來陪葬, 臨死唔知重拜神, 萬里咁長城一座, 後來番鬼當新聞.

2.

荷包無貨重招呼, 外父公真眼色高, 皇帝著條龍打種, 功臣當隻狗掤毛, 亂來射尿淋人帽, 詐去疴茄避把刀, 唔係打蛇隨棍上, 江山點得到佢撈.

3.

聲大條腰又咁粗,殺人放火亂糟糟, 惡爺點忿來丟架, 病佬唔岩就釘煲, 兩隻公婆流出尿, 八千人馬剩渣毛, 吟詩睇怕吟唔甩,跑到烏江就一刀.

4.

十月天時芥菜心,突然挑起為彈琴, 姑爺賣賦錢難搵, 小姐當爐酒要斟, 窮到牛頭賒褲著, 碰岩獅鼻打鑼尋, 茂陵重想裝埋艇, 頭白吟成無晒音.

Keys: 1.秦始皇, 2.漢高祖, 3.楚項羽, 4.司馬相如
Ref: 1949年重印本〈序及跋〉,〈漢書人物分詠〉

另, 廖恩燾《新粵謳解心》:

小蠻妝束最風華，螺髻香盤茉莉花，除卻後庭歌玉樹，不教重譜入琵琶。