posts | comments | archives | links | create | song
(reminder: all quotes here are fiddled, probably.)

華仁校友問答比賽 (網摘)


edited quotations.

飲者, 港九華仁書院校際問答比賽觀後 :

悲哀在於沒有選擇。沒有選票不能選,縱然有了選票,可能也是沒有甚麼好選。

正所謂,鋼鐵不是一日煉成的。香港沒有出現令大家都覺得「呢個掂」的治港人才,全因沒有一個能夠孕育政治人才的制度和文化,殖民統治的時代當然不會有,準備回歸那十幾年因為中英兩國掛住鬧交所以沒有,回歸後中國希望香港咪搞野所以都沒有。

這樣下去,香港永遠也不會出現治港人才,也永遠不會出現那種懂得選舉的文化。


聞見思錄, 請給我一點時間吧?

無論梁袋巾還是佘當奴,都不是《白宮群英》裡Matt Santos及Arnold Vinick的級數。若辯論會不設時間限制,結果要麼「悶到出汁」,要麼最終變成互相攻擊,落得一個「發皮四」,一個輕佻。

"8. 說廢話掩護自己:只要你說廢話說得夠長,就沒有人記得問題是甚麼,也沒有人知道你到底回答了沒有了。" (《好的,首相》)

愈來愈發覺《好的,首相》這本書像是一本「通勝」,任何政治現象及事件,也可以從中找到解釋甚或啟示。


pk, 辯後記 (1), (2):

overall, 家傑呢次插得仲狠過上次。佢仲好鬼淡定,不愧係大律師,就係慣晒靠把口同人片鑊輸贏來搵食!一句:”不排除?我都不排除叮日中六合彩!” 盡顯律師功夫。曾狗就係無承擔,一味技術官僚式扮晒無所謂,只會搞統籌,唔好講公務員政治中立係自欺欺人,做政治領袖點可以無想法立場,家傑叫佢唔好當左做特首就即係做超忌廉,真係一矢中的。


tungpo, 又便後記 :

袋巾始終一般常識唔太夠,所以「嘥把扑」度唔曉回擊打工仔:「你講嗰啲科技嘢一早係香港啦,唔係你醒人起咗個扑先嚟喎!其實,個扑不過係利用因為你俾佢地啲著數,搶其他地產商租客咋!」


Florence, 辯論騷之傲慢與偏見 :

當然,如此的「午夜場指數」,不代表apm觀眾們支持袋巾做特首多過煲呔,只不過大家以戲論戲而已。

PS:有誰可以替我們計算一下,煲呔和袋巾提出的一大堆數字,誰是誰非?


Missy in soma, 理念之必要, 印象 :

政治新聞,可會只是記者們或者我們這些「攪攪震」人士才會興奮﹖巿民留心的只會是一剎那的印象。在傳媒攻妨戰中各路人馬只要製造印象,誰管那民調是否科學、議題是否實在、發言人說話是否邏輯齊備。

(我問媽,特首是怎樣選出來的,她答︰中央欽點囉。講完)




股海窮庭, 我的南區鐵路那裏去?

很多社會問題都是這樣的層層緊扣,兩位先生都只是在表面抺下瓜皮,成個瓜都熟爛了都不知。就如梁先生答南區鐵路,聲稱自己的政綱中的環保政策有支持集體運輸系統,當然與南區鐵路有關云云,然後就扯到政府有幾多錢儲備,彷彿要從庫房中拿錢出來無論如何都要興建。地鐵公司不是上市公司嗎?兩鐵合併後不是連九鐵也變相私有化嗎?私有化之後,財務模組(financial model)計唔掂,兩鐵要求多撥地,自然會有人跳出來罵官商勾結。或者建成後有錢賺,又會有人跳出來說有錢賺就應減價。呢d已經唔算係深層次,周圍都有集體運輸系統,的士、小巴,甚至巴士仲有無生存空間,其員工加薪無望之餘仲要驚失業,流口溜先生們又有無諗過?



梁啟智, 李宗盛 II

市民希望見到經濟增長,是因為假設了自己的工資會隨着整體經濟增長而增加,生活隨之改善。只有在這「市况好、生活好;市况差、生活差」的邏輯下,市民才會重視特首有沒有能力處理所謂的經濟問題。

一個聰明、具遠見的特首候選人,應點出香港政治議論的一大通病,是把經濟問題獨立於其他民生社會問題之外,而不把它們視為相互關聯的社會系統。經濟政策不能獨立於勞工、住屋和教育政策,否則,任何所謂「懂經濟」的候選人,都只不過是習慣於頭痛醫頭的技術官僚。

事實上,近年香港各項經貿指標雖重回升軌,但許多低下階層慨嘆未能分享成果。透過把整個「經濟問題」的內容重新設定,梁家傑甚至可挑戰曾蔭權:「曾先生,其實你比我更不懂得經濟問題!」



歌德, 特手選舉馬後馬後炮 (全文)

早兩日想講講自己對幾次特手辯論既睇法。不過,懶,費事打。

之但係,早兩日見到有線播出劉政協講野,我又諗起樣好想講既野﹕

第二次辯論當晚,梁大狀講完佢代表無權無勢無線之後,我就即刻諗,曾特手會唔會即場爆肚,指住貌似自己支持者,然後問,條友有冇錢,特手代唔代表到佢;再唔係,特手會唔會保險d,講下民調數字,講下選民對特區政府既認受性呢(講起衣點,其實早排講起中大位無里頭研究生時,就想講衣點﹕到而家,都覺得位研究生唔知咩叫認受性)。

當然,其實更根本既係,梁大狀講既本身就好戇居﹕係整個選舉工程,佢經常話香港政府認受性低,冇民主普選之下政不通人不和,政府運作唔到。佢衣幾點,其實同佢講既「無權無勢」之類同一邏輯。

佢衣點,嗯,冇記錯既話,劉政協其實好早之前已經寫文反駁過----除左香港盲人協會會員之外,有幾多人睇到香港政府運作唔到﹖

真係唔明,點解梁大狀去到咁後期都仲強話衣樣野。

又,題外話,第二次辯論當晚,梁大狀不停重複「民主萬能論」,其實令我諗起陳建民等人--大佬,陳教授等民網學者由03年講「民主萬能論」講到05年年尾,之後自己都悶到意興闌珊自己摺埋。咁,梁大狀又可苦再講衣種悶到傻,又對「民主深化」冇幫助既野呢。

唉。

4 Comments:

:: Anonymous J Chou (20.03.07, 08:17   ) sagt...

精采節錄. :-)



:: Blogger sf (20.03.07, 23:35   ) sagt...

志華姊姊, 因為所節錄的文章本身就精采.



:: Anonymous Anonym (26.03.07, 17:51   ) sagt...

頂,你想點呀﹗段野擺明亂寫你都quote,咁即係比壓力我jak。嗚﹗

咁見係你,遲d認真返寫文先。

~g



:: Blogger sf (26.03.07, 23:43   ) sagt...

等你.



coComment


:: Kommentar veröffentlichen
 (留言請留名, 謝!)


Links to this post:

:: Link erstellen

<< Home