posts | comments | archives | links | create | song
(reminder: all quotes here are fiddled, probably.)

除卻了阿九


「你遇到個真情者,你就要格外留神。」真情者是誰?「我」也。

PS: 據聞此曲背後有個故事, 話說十三行有個富商, 看中了個花魁叫阿九, 想娶他做姨太太, 卻未得彼垂青. 於是出重酬托當時的名家葉茗生寫一支曲唱給阿九聽, 希望打動阿九應承. 此曲就是除卻了阿九.

listen (youtube)

除卻了阿九,重有邊一個及得佢咁銷魂。任得你靚到鬼火咁淒涼,都要讓佢幾分。佢兩頰桃花,不用搽脂盪粉,石榴裙下,佈滿不二之臣。講到佢抱起琵琶,就越發唔使問。唱到關王廟相會,佢重句句咁傾心。銷魂一曲,的是非凡品。鶯喉婉轉,真係蕩人魂。

但知否月不常圓花易落,紅燈夜夜應該早覓知心。妹呀,快活風流非長幸。你遇到個真情者,你就要格外留神。淨係替養母發財,非你本份。我勸你求籤拜佛,應該問番紙自身,因為年紀漸高容漸腿,從前恩客會變作陌路人。

妹呀,你性本係咁聰明,你平日係咁謹慎,又知否黃金難買寸光陰,所謂樹高千丈落葉歸根,人無歸結,好極都係閒聞。面對個世界,你慢慢想真,喉就會噎哽。酒壺拈起,眼淚粘喉吞。總之唔得到上街呢,千日都係無倚憑。試問從良嗰兩個字呀,妹呀,你想透想透唔曾。

(催快) 你知否多少痴男,為你賤視封侯印,知否情到深時會恨更深,總之花債未完都非福份,你休再混,望你 (漸慢) 脫離苦海,好過我步上青雲。

(wikipedia)

Labels:

0 Comments:

coComment


:: Kommentar veröffentlichen
 (留言請留名, 謝!)


Links to this post:

:: Link erstellen

<< Home