posts | comments | archives | links | create | song
(reminder: all quotes here are fiddled, probably.)

立選後記2


曾玉成與葉劉平均配票, 以致兩隊都不能多得一席. 陰謀論地想, 這到底是無心之失還是有意視若無睹? 話雖謂民建聯/工聯會, 葉劉, 鼠王芬等都是親建制派, 但想深一層他們算不算一幫人? 其實曾玉成是否樂見葉劉一幫的勢力坐大呢? 當然, 中央協調, 誰敢不從.

8 Comments:

:: Anonymous Anonym (10.09.08, 03:22   ) sagt...

其他區我冇+唔會留意。不過,其實九龍西黎講,係怪怪地。

根據上屆推算,民建聯今次扲住6萬多小小票,理論上可以兩條名單分3萬多小小(有千石分左泛民萬多票,3萬票應該好穩陣當選。衣個,亦係我開頭估緊生排第5既原因﹕毓民會狂搶佢既票,泛左理論上每人會3萬多小小票)。不過,鼠王今次個得票明顯頗危險﹕唔係毓民咁多票,鼠王死左 (田二少既票,就係最尾幾個禮拜開始,知唔係威脅喇)。

當然,聽講當日鼠王5點多小小就開始陸續收檔,都知佢應該係計到數。可能,佢地真係數到票。而事實上,晚上傳聞西環提供既排位消息,亦都非常準確,一席都冇錯。

之但係,睇返鼠王同民建聯既策略,其實都睇到多小策略。以白田、富昌等唔係民建聯既地區黎計,民建聯明顯放手比鼠王。不過,相對上,新動力人碼地頭,民建聯票數都維持一定票數。而再相對上,民建聯有議員既區,就差唔多一票都唔比鼠王。

例如,大雄個站係民建聯蘇屋現任,民建聯好強。相對上,白田係現任新動力前基哥檔野既ssp票王,鼠王同民建聯就得票唔差太遠 (反而係基哥好強,收復失地)。

另外,值得一題既係,民協今次係ssp返返黎,就算係麗閣都收復上次失地(應該同佢地衣半年瘋狂派野有關)。當然,相對上,其他區,特別係九龍城同旺角幾個區,就好差。

最後,毓民今次最值得留意既係,佢係馬利落、喇沙、明愛衣類做唔到「地區工作」既有錢佬票站係最高票 (毓民連方方樂趣衣類真真正正既有錢佬區,都唔算差);係美孚黃埔衣類較易做野既中產或老牌中產區,毓民都依然強勁。至於係公屋區,佢都唔差喇。

所以,宋立功今日係唔同報紙話,毓民主要係扲到好多板間房既票,就再次證明佢真係好廢,係三大廢物評論員之首。

(用廢物形容佢,因為好明顯睇到,佢係好偏頗,講野行為出面到,應該係好恨政府向佢招手個隻。另外兩位,反而未必要用廢黎形容佢地)

又最後,其實可以將幾條名單以唔同combination加埋。幾抵死架。

最後,唉。

~goethe



:: Blogger seikomatic (10.09.08, 13:25   ) sagt...

正印惦會中意、 易9 、山9呀。

見到咀妙妙入局,真系心有戚戚然,好彩有田小周c9拖閑姐凳番。

咩黨咩派收埋唔到既,微埋得幾耐,養兵千日,投票果陣就要對號入座啦。

波叔比人放風話會【o答】(o答糖個o答),希望便佢會早d啦。



:: Blogger sf (11.09.08, 14:16   ) sagt...

g, 我好認真呀, 真係去下載左數據來看你的分析呀.

鼠王同民建聯: 你真係講得客氣----民建聯地盤, 一票不讓, 新動力地頭維持票數, 非自己地盤才放手, 咁都叫策略? 咁簡直係由佢自生自滅, 睇佢自己造化啦.

蔡子強今日都講起毓民在各階層都有票源. (只要打開個xls做兩下手腳都睇到, 宋立功真係......嗯. 李鵬廣都唔好得幾多.)

不過有樣奇, 毓民在基哥地頭得票比例一般都較低. 唔知係咪有仇.



:: Blogger sf (11.09.08, 14:18   ) sagt...

seiko, 左派內部都幾神秘, 話時話.



:: Anonymous Anonym (11.09.08, 14:44   ) sagt...

所以,我米話佢地個策略「好危險」囉。不過,開頭我唔想用「策略」二字,最後都要用。事關,鼠王真係6點就好似計到票喎。同埋,佢地某幾區真係有明顯分票囉。

另,李慧玲都扲住個分區選票結果,日日話 毓民係基層SSP好勁,所以毓民扲好多基層票。好多人,都係亂UP架喇。

(WELL,蔡子係明報個表話,九龍西冇居屋票站,佢都係傻架喇。雖則領島個票站包括愛民同其他私人屋苑。不過,領島最多選民就係 居屋俊民苑--所以,(1)九西係有居屋+(2)我唔明點解咁多友勁到區區都識囉。又,唔係題外,丫,富榮米成個區都係居屋囉﹗)

講返,毓民係基哥地頭,其實係好勁﹗你睇下好多區,佢地同民建聯瘋狂派野,但係毓民SSP某幾區依然高過民建聯,有基哥一半票數。而係SSP舊樓區,毓民仲高過基哥。

當然,毓民論壇冇玩基哥、基哥瘋狂派野、毓民同基哥票源唔同(WELL,毓民同緊生票源相同;基哥就同民建聯票源相同喇)、加上基哥有既係幾十年感情票,毓民咩都冇做有咁既成績,真係好強。

最後,今年好多票站同04年都有分別。所以,較難比較唔同票站既投票率。不過,非常粗疏咁睇,民建聯+鼠王係土瓜灣好多區得票率都高左。係其他區,如果將北辰加入「保守」一group,佢地既得票率其實只係算持平。是關,基哥同毓民既票今年返返黎。

~goethe



:: Anonymous Anonym (11.09.08, 14:49   ) sagt...

OPPS

用左第二個ACCOUNT LOGIN添。

洗度就洗喇。

呵。

~GOETHE



:: Anonymous Anonym (11.09.08, 17:22   ) sagt...

又,無論係領島、麗閣、定係富昌、抑或係好多私樓區以至紅磡區,民建聯都係放慢手腳。咁,都算係分架喇。

慧琼要搶,鼠王邊有咁多票﹖

~GOETHE

(等我冒你個名貼返出來啦)



:: Anonymous Anonym (12.09.08, 15:19   ) sagt...

嘩哈哈~

唔記得擒日仲想講咩。不過,見係你,講多兩句。

其實,將唔同數字加埋,係九龍城整區,會見到2(李)+7(梁)名單無論係得票率或得票百份比 都升得好勁。

如果將4(謹)+5(毛)+8(毓)+10(基)分做一group,你又會見到,係ssp以外既區,其實泛民都只係得5-6成票;如果唔計馮檢基,好多站更加唔夠5成得票率。

泛左係九龍西,由於資源以及區議會效應,真係好勁。

(其實仲有d野睇到。不過,關係唔太明顯,就唔講喇)

~goethe



coComment


:: Kommentar veröffentlichen
 (留言請留名, 謝!)


Links to this post:

:: Link erstellen

<< Home