posts | comments | archives | links | create | song
(reminder: all quotes here are fiddled, probably.)

老粗版出師表


廣東話老粗版《出師表》, 笑翻天.

我同你講:你伯爺撈世界撈到一半就拉徂柴。宜家個場又分成三忽,益州又就快俾人掠埋,家下真係幾大鍋。好彩你老豆班o靚夠薑,劈起友黎唔要命,你估佢地為你啊?!俾面你老豆咋!所以唔好話我話你丫,係識諗就的起心肝搞好個社團佢,咪搞到你老豆死都唔眼閉啊。唔好成日以為自己成隻狗咁,班契弟個個都睇你頭嘎,唔好俾面唔要面!

臣亮言:先帝創業未半,而中道崩殂。今天下三分,益州疲弊,此誠危急存亡之秋也。然侍衛之臣,不懈於內;忠志之士,忘身於外者,蓋追先帝之殊遇,欲報之於陛下也。誠宜開張聖聽,以光先帝遺德,恢弘志士之氣;不宜妄自菲薄,引喻失義,以塞忠諫之路也。

屋企同場口都係你地頭,邊條死鏟唔識做就打柒佢,千祈唔好就住就住。下面班o靚見到就無曬嘢講啦。好似喪郭啊、費爺啊、老董啊佢地都係你死鬼老豆尐手足,得閒就同佢地斟下,無壞既。向寵條契弟雖然霎下霎下,但係死得佢又幾識撈,你死鬼老豆舊時都幾睇重佢嘎。有時間同佢飲下茶,有著數實會預埋你。知唔知點解先漢咁風生水起,就係因為班廢柴俾人斬曬!你死鬼老豆講翻起真係喪到頭都白曬。

宮中府中,俱為壹體,陟罰臧否,不宜異同。若有作姦犯科,及為忠善者,宜付有司,論其刑賞,以昭陛下平明之治,不宜篇私,使內外異法也。侍中、侍郎郭攸之、費褘、董允等,此皆良實,志慮忠純,是以先帝簡拔以遺陛下。愚以為宮中之事,事無大小,悉以咨之,然後施行,必能裨補闕漏,有所廣益。將軍向寵,性行淑均,曉暢軍事,試用於昔日,先帝稱之曰「能」,是以眾議舉寵為督。愚以為營中之事,悉以咨之,必能使行陣和睦,優劣得所。親賢臣,遠小人,此先漢所以興隆也;親小人,遠賢臣,此後漢所以傾頹也。先帝在時,每與臣論此事,未嘗不歎息痛恨於桓、靈也。侍中、尚書、長史;參軍,此悉貞良死節之臣也,願陛下親之信之,則漢室之隆,可計日而待也。

唔怕同你講,你世伯我原先係南陽耕田嘎咋,個勢立立亂,好彩就話執翻條命仔,捻都無捻過出黎行。難得你死鬼老豆唔嫌我縮骨,日日黎痴飯食,問哩問路,你老味仲煩過伯爺婆,我頂佢唔順唯有出黎陪佢撈世界。後尾俾人踩場系我出去頂,俾大耳窿追數又系我出去頂,頂下頂下都成二十幾椂咯。

臣本布衣,躬耕於南陽,苟全性命於亂世,不求聞達於諸侯。先帝不以臣卑鄙,猥自枉屈,三顧臣於草廬之中,諮臣以當世之事,由是感激,遂許先帝以驅馳。後值傾覆,受任於敗軍之際,奉命於危難之間,爾來二十有一年矣!

你個死鬼老豆知我有料,死唔斷氣都要交曬尐生意畀我。日又捱夜又捱,又驚死撈得唔好你老豆半夜翻黎搵我,咪係五月份帶班o靚過大海,你老味果度毛都唔多條!宜家下好啦,南邊個場俾我地擺平左,班契弟又搵曬架撐,你好去劈友啦。邊個撲街唔死遠就斬開佢幾十椂,掟落鹹水海喂鯊魚,將我地個場攞曬翻黎。嗱,你死鬼老豆就交帶我咁多嘞,其他你去搵我之前講果幾條友喇。

先帝知臣謹慎,故臨崩寄臣以大事也。受命以來,夙夜憂勤,恐託付不效,以傷先帝之明。故五月渡瀘,深入不毛。今南方已定,兵甲已足,當獎率三軍,北定中原,庶竭駑鈍,攘除奸凶,興復漢室,還於舊都;此臣所以報先帝而忠陛下之職分也。至於斟酌損益,進盡忠言,則攸之、褘、允之任也。

世侄,我幫你劈埋今次友,撈唔掂你就捉我去祭旗。如果個場口唔夠旺,就去叼臭喪郭果幾條茂利。其餘你食自己啦!

願陛下託臣以討賊興復之效;不效,則治臣之罪,以告先帝之靈。若無興德之言,則戮允等,以彰其慢。陛下亦宜自課,以諮諏善道,察納雅言,深追先帝遺詔,臣不勝受恩感激。

我就走嘎啦,寫呢篇嘢真系寫到成殼眼淚鼻涕,都唔知寫緊乜,你自己執生。

今當遠離,臨表涕零,不知所云。

0 Comments:

coComment


:: Kommentar veröffentlichen
 (留言請留名, 謝!)


Links to this post:

:: Link erstellen

<< Home