柳永《定風波》

詞, 係要用廣東話讀先夠過癮.

話說柳永筆下果個女仔, 自從春天以來, 滿園葉慘綠, 花愁紅, 佢o既芳心呢,真係事事 柯個(陽去聲gor6). 日上花梢, 鶯穿柳帶, 猶壓住香衾攤臥. 暖酥已消, 濃膩o既鬢雲亂墮, 終日淹淹悶,懶得梳裹. 無囉, 恨薄情一去, 音書都無個.

自春來、慘綠愁紅，芳心是事可哥(or1 gor6)。日上花梢，鶯穿柳帶，猶壓香衾臥。暖酥消，膩雲嚲(dor2)，終日厭厭倦梳裹。無那(mou4 nor6)，恨薄情一去，音書無個(mou3 gor3)。

早知咁可, 悔當初不把雕鞍鎖. 響 雞窗(書齋)只付與佢蠻箋象管(紙筆), 拘束佢,教他只做吟書o既功課. 我呢,鎮日相隨莫拋躲, 針線閑拈伴伊坐----和我一齊, 免使年少o既大好光陰,好似依家咁虛過!

早知恁麼(gam2 hor2)，悔當初不把雕鞍鎖。向(hoeng2)雞窗、只與蠻箋象管，拘束教吟課。鎮相隨，莫拋躲，針線閑拈伴伊坐，和我，免使年少，光陰虛過。

呢首就係柳永O既《定風波》. 用廣東話讀宋詞, 你睇幾生動. 詞, 係要咁讀(亂來)先夠過癮O既.

想聽真人朗讀? 下引中國文化研究院, 賞析及朗讀. 朗讀者很可能是黃念欣.


延伸:
* eyeing, 李清照