兩鐵合併廣告禁片

從來禁書禁片禁mud禁物, 加個禁字必定風魔世人.

八卦, 到youtube看了看. 幾扺死, 比上年那段乞人憎的八股說教文好睇得多. 廣告的橋段使人聯想到經濟科補習天王kelvin sir.

那個阿嬸最後那句 "一通過就係嫁啦", 不出事才怪. (馬後炮)

製作人有意製造一種排擠意識: "個輩D人好老土囉". 而"過氣", 活該被串.

"阿sir, 兩鐡合併, 車費唔加, 仲減喎!" 串串貢, 梗好玩. 梗係型.

何必拿老師形像來開玩笑呢----今時今日, 面對學生大客仔, 老師的地位已經夠低了.

串倒阿sir固然係型. 但型就係型, 無需個阿sir係老土, 串到佢先算型. 如果串倒個老土弱雞既阿sir算型, 咁串倒個英明神武既, 豈不更型. 自抬不一定要欺弱----雖然欺弱是人性.

如果廣告中的老師英明神武, 個勢頭過kelvin sir, 設備先進過地下鐡, 個present排山倒海過舊兩鐡合併廣告. 咁, 我無野講.

欺弱是人性, 因為自欺是人性. 串何故型? 型, 因為挑戰權威, 夠guts. 如果真係掂, 何必欺弱. 要欺弱, 就正因為唔掂. 拿黂品來充數.

不要以欺侮弱者為樂, 如果你有資格視別人為弱者的話.