posts | comments | archives | links | create | song
(reminder: all quotes here are fiddled, probably.)

old games


incredible machine (wikipedia)
(via safari)

我對解題遊戲特別著迷. safari提起的incredible machine, 是個很好玩的遊戲, 要求玩家"用各種道具砌出一副機器以達成某個指定的目標". 當你想出如何用各種稀奇古怪的方式巧妙地完成任務, 很有滿足感.

有次看過某歐洲汽車廣告(平治?), 玩的也是類似的意念. 所用的所有道具都是汽車零件.




L'Empereur(Napoleon) (wikipedia)

這個遊戲貫穿拿破崙的生平, 所以我常常記錯, 以為它叫Napoleon. 玩家扮演拿破崙, 東征西討, 遊戲相當講究重現當時的歷史事件和歷史氣氛. 最好玩的當然是戰爭(罪過罪過!), 遊戲裡的戰爭很"文明", 必須先派外交官向敵國正式宣戰, 才可進攻, 而且一旦宣戰, 你就得有心理準備, 一大堆國家馬上向你採取敵對態度, 或同時宣戰, 或貿易制裁. 戰爭之中, 長官會不時喊些"the truth is that we are brave!"之類口號, 以激勵士氣. 用兵之道, 最過癮莫過於派大量精良的炮兵近距離猛轟敵陣, 使其士氣低落, 然係以訓練有素的鐵騎衝鋒, 一口氣擊潰四至六倍以上的敵人. 不過坦白說, 我們之所以能夠為所欲為, 全因遊戲的電腦AI相當低能. 也因此如果你派兵進攻或防守, 卻大安旨意, 把指揮權交給AI, 結果一定氣得半死.

遊戲AI十分體現歐洲當時的戰爭哲學: 有(絕對)勝算才打, 沒勝算就走, 走不了則降.




North & South (wikipedia)

南北戰爭, 很小很小的時候, 在姑姐的電腦上玩過. 遊戲中的卡通十分生鬼. 在火車頂上狂奔的minigame畫面, 至今仍歷歷在目. 最記得戰爭場面非常忙碌, 一個人同時控制多隊炮兵,步兵,馬兵. 那馬隊不停從畫面的一側衝到另一側, 周而復始, 教人忙碌得喘不過氣.

(moby web)
(wikipedia)

6 Comments:

:: Blogger C.M. (28.07.07, 22:51   ) sagt...

先生!

原來你都有玩過North & South!哈哈,小弟都有玩過架!(但其他就未)

睇過L'Empereur既簡介,好似幾好玩...先生,聽到遲d 會出 Empires in Arms 既PC Game,唔知先生有冇興趣呢?



:: Blogger Eric 'Spanner' (29.07.07, 02:23   ) sagt...

光榮當年將三國志模式照搬去做拿破崙、獨立戰爭咁,最後都係做唔到個勢,只留低一兩隻遊戲。講返光榮拿破崙,當年我有個賤格玩法,專用來對付英國o既納爾遜,就係o係北海、英倫海峽同大西洋調船,一次調十零廿隻,引佢出動,當然艦隊會全殲啦,但係佢亦會戰死。之後囉喎,就梗係派大軍攻過去,唔憂英國海軍有乜新花樣啦。

俄國都係難打,至怕佢o既哥薩克突然反攻,蓋死傷慘重也。



:: Blogger sf (29.07.07, 19:42   ) sagt...

CM兄, north&south你也玩過? 它比三國志還要古老, 我們都是古老人囉.

肥力, 你所講賤格玩法, 我也用上. 而且我還要用百多艘空船去除掉英國海軍艦隊, 才派兵渡海. 否則真是九死一生.

我太愛用炮兵, 部隊裡十居六七都是炮隊, 有時進入了戰場才發現地形或天氣不利, 十分頭痛. 炮隊防守力弱, 最煩是敵方盟國忽然大幅增援, 自己卻不夠步兵來抵住/拖住逼近的敵人, 不讓炮隊受襲, 苦煞.

另, 你名字上有引號, 因而敝泊的recent comment script老是把你漏掉. 我猜不少javascript的script也有同樣問題. 有個不情之請: 你可唔可以將刪去呢?



:: Blogger C.M. (29.07.07, 22:09   ) sagt...

先生

但想當年南北戰爭歷史的啟蒙老師,並非North & South,而是 Gettysburg:The Turning Point。唔知你聽過未呢?小弟當時好沉迷呢個game... 好沉迷...(我大概比你更古老)

聽到你同肥力兄講得咁開心,小弟都蠢蠢欲動想試下...



:: Blogger Eric Spanner (08.08.07, 00:47   ) sagt...

砲兵佔半已經ok。當然啦,有o的大會戰時,咁o既比例都係唔夠用。

另,用IE睇呢度時,scroll唔到最下面o既內容,會唔會係sidebar出事?



:: Blogger sf (08.08.07, 15:17   ) sagt...

肥力, 版面問題已解決, 謝通知. 你竟為我的不情之請而放下牛角(引號), 感激----你終於可以係recent comments站起來做人了!



coComment


:: Kommentar veröffentlichen
 (留言請留名, 謝!)


Links to this post:

:: Link erstellen

<< Home