社福界代表(存錄)

g~, 社福界．尊貴．梯隊 (節錄):

講開社工問題。入面，其實涉及好好好複雜既社福問題。起碼，今次遊行主題，有幾多係社福界尊貴所認同，有幾多係社福界組織入面班賤人既一廂情願﹖

況且，咩都唔好講，可以睇睇衣個post最尾段野(link)。睇完，真係覺得佢係一個人物。


......

社福界代表麻，你想知道咩叫公義、咩叫有理想、咩叫盡責、咩叫勤力、咩叫君子，你可以係佢身上搵到。所以，雖然我唔同意佢大部份既主張，不過真係好欣賞佢。

......

下面個篇野，係社福界代表份工作報告既前言。

篇文，應該係佢自己寫。

咁，我絕對相信，入面講既野同政治同選舉無關。而因為無關，亦因為社福界代表既坦白，佢篇文更加令人覺得佢係一個人物。而如果你認真睇佢篇文，你就會問，近幾次社工擺工，其實有幾多係佢所能主導，又有幾多主張係佢所贊同﹖

又，佢既坦白，亦都突顯某些人既無恥﹕如果佢真係仲玩落去既話，佢真係應該留係社福。不過，難過既係，留係度既話，佢一定會輸。

又又，如果你睇埋份報告既其他內容，你就真係會發現，其實，佢應該繼續，同埋值得做尊貴。

又又又，無論係早前天星、近期天水圍，銀行服務、以至好多其他野，其實佢都做左好多野(睇佢本報告喇)--如果你認為x哥或x姐為扶貧為弱勢社群為老人做左好多野，咁更加應該睇下咩先係真正既關懷弱勢。

(大佬，唔講小數遺存病人或其他問題，連老人善終問題都係搵佢。衣d，就係真正既關懷長者，真係做實事--其他尊貴真係比到人信心真係理人既話，又唔見有人搵佢地﹖)

所以，同唔同意佢既主張又或佢做既野都好，不過，佢都值得令人尊重。

最後，如果要將尊貴既職責分為議會派同行動派，社福界係後者既工作表現又或代表性，真係遠遠遠遠遠遠遠遠超其他同僚。而佢既真心為工作，不求出鏡，更加係尊貴入面少有。

社福界代表份工作報告既前言