男燒衣

又到艇嫂上前同佢抹淚，叫聲大賞呀大賞你切莫咁悲哀，捨得多情愁無多情配咩，奴奴情願共你為媒，你既有真心寧守耐，等我同你找尋一個仲靚過花魁。人話男子心腸多變改，但我見君情義真係少人陪，蠟燭都替君垂血淚，半天仙鶴都渡郎追，你不如忍淚埋街去，免令今夜自己癡呆。

忙轉艇，快如雲，雙槳齊搖在水面奔，海闊風狂你須要坐穩，等奴奴共你講幾句事聞，呢我隔離有個叫做逢人恨，佢腳又細時仲滿手黹針，年方二八又知書禮，詩詞歌賦件件皆能。舊時有位少爺話同佢上岸咯，佢話要揀個多情人仔至得兩相登，問聲大相你是否心情允？咁就真妙甚呀真妙甚，等我把鵲橋高架起，你就直上浮雲。

* 唱詞全文 (若言, 小說南音) (粵曲交流)
* 阮兆輝 - 男燒衣 1/2, 2/2 (youtube)
* 廖偉棠詩, 男燒衣