posts | comments | archives | links | create | song
(reminder: all quotes here are fiddled, probably.)

十句女人最憎男人說的話 (存錄)

  • 溯洄從之

  • from 梁巔巔《醉幻迷離人生是戲》: 十句女人最憎的說話 (2006.01.07)

    ----

    1. 你咪咁小器啦!

    女人點解憎?小器是女人擁有但又不想認擁有的特質,你明寸佢?等開拖吧!

    男人說這句話時通常笑笑口,點解?因為知女人唔啱聽,明知不應說但堅持說出來。但這就是撩交嗌!男人說這話前通常已說完『嬲完未呀?』、『唔好嬲啦?』之類的話,但游說不果。而女人會話唔識人就賴人小器,屙屎唔出賴地硬!即係話我唔應該嬲者?女人發嬲一定有佢道理,男人駁嘴即係話我不講理,作死!

    建議:要女人唔嬲,真的惟有等她自己嬲完,但不等於什麼都不做,男人最好做點事來縮短過程,愈拖只會愈難氹!基本上連個嬲字都不能提,女人好憎呢個字,唔嬲都變嬲!告訴你,叫女人唔好嬲,佢嬲得仲勁!女人在小器、嬲爆爆,男人氹佢盞晒氣!要軟化女人從身體入手,抱抱或緊握她手吧!

    2. 對唔住囉!

    (同類說話:我唔岩、我衰囉、我錯囉) 女人點解憎『囉』?因為晦氣到死囉!而且最討厭是加個『咁』字在前頭,『咁對唔住囉?』,一個『咁』字包含了『我唔覺得自己錯,但買你怕囉』這十二個字的意思。女人會諗:『明激我啦!』而男人說時通常皺眉頭、眼神厭倦,擺明在說:『你又來?』;女人又會諗:『乜我好難頂咩?』

    建議:用口去表示歉意是低層次的做法,倒不如用行動表示。唔該比D性格,唔覺得自己錯的話,老虎蟹都唔認錯!唔該比 oD風範!若真係要道欺,咁傾盡誠意啦!

    3. 鍾意嗎?

    我送比你吖!女人點解憎因為得個講字?因為男人總以為講咗就等於買咗,無需真的買!

    見我雙眼發晒光仲問,你盲架?要我用把口去講我鍾意,即係要我認貪心啫!

    建議:講得出就要做得到!一定要趁熱買!一拖~ 女人又話你無誠意!故立即在她面前付款是最方便的做法。

    但女人最憎呢種方便,唔浪漫嘛。唉~ 男人總係唔識送禮物,以為買咗然後交過去就大功告成!其實送禮物最重要是點樣交到對方手上,即係心思、驚喜。

    4. 使唔使幫你?

    (同類說話:使唔使車你、使唔使幫你拎?) 女人點解憎廢話?

    女人:『問來幹麼?!』『答得你我都做完!』

    建議:女人最憎男人『齋 Talking』,唔聲唔聲做咗先才是英雄,故此,做多無壞。即使自己搞得掂,女人都鍾意男人獻殷勤的。

    5. 搵日同妳去。。。。

    女人點解憎搵日,通常不會兌現又信口開河了!你估我係你 oD客,『搵日出黎飲茶』咩!

    建議:女人記性很好,此等不兌現的小事是她日後炒大鑊的導火線。女人無要求的話,男人切忌自動比 offer,無謂製造機會比人 challenge 吖!

    6. 得架啦!得架啦!

    (同類說話:掂架啦!掂架啦!) 女人憎認屎認屁認叻,結果錯漏百出無樣得!

    你覺得佢係怕你煩,想塞住佢把口,所以吹到天咁大,但其實得鬼!

    建議:無希望就無期望,無期望就無失望,實話實說吧!女人要講嘢,一定要比佢講;而比佢講,佢先唔講。keeeeeee。

    7. 明啦明啦!

    (同類說話:係啦係啦、得啦得啦) 女人點解憎明個屁,係因為佢哋會覺得:『想我收聲至真!』真係明?咁我啱啱講到邊度先?

    建議:她在跟你說一些她認為很重要的事,即使你覺得無聊,也請耐心聆聽,硬食吧!在她喋喋不休時緊握她的手,信我,好快收口。適當時候發問,讓她知道你在聽;無傷大雅的小事不妨附和,大事情則要糾正。

    8. 是但啦。

    女人點解憎無要求?因為這代表你無原則、無性格吖嘛!

    女人會諗:『你又嫌我煩了!你寧願 suffer 任人擺布,我諗我真係好討你厭,嗚。。。。』

    建議:大可拋個波比佢,溫柔地說:『你話呢?』她反而覺得你尊重她不在乎說什麼,而是在乎怎樣說;男人說話時語氣夠堅定就是說服力,女人自然收聲。

    9. 想唔想做 (愛)?

    女人點解憎摸 o緊先問,佢哋會話:『別懶尊重我吧!乜你睇唔出咩?點答你呀?!唔好難為我啦!』

    建議:女人做愛講 mood,一句說話足以摧毀一切。不反抗已是默許,醒 oD啦!

    10. 你開唔開心?

    (類似說話:你 high 唔 high?我得唔得?勁唔勁?) 女人:『焗住要答開心?迫人講大話!?乜你睇唔出咩?』

    建議:抱抱算吧,別生不必要的事端,比機會佢問番轉頭:『咁你愛唔愛我?』唔提反而唔諗,別『刺激』她去思考:『你真係好渣斗!』」

    我想,其實一個女人愛一個男人,才會有以上表現。作為一個男人,我想,該感到她的可愛及亦應感到甜絲絲。

    8 Comments:

    :: Blogger stackey (12.01.06, 18:20   ) sagt...

    "是但la" 尼句, 我真係一日出坐底2三拾次 ....



    :: Blogger 梁巔巔 (13.01.06, 23:59   ) sagt...

    ^~



    :: Blogger sf (14.01.06, 01:57   ) sagt...

    stackey, 所謂men from mars and women from venus, 真是不由你不信. 告訴你一段小插曲. 我"將以遺所思", 她聽後開懷大笑, 燦爛得如同積累已久的一肚子鬱結全吐出來一般.

    巔, 咁即係點? (你這篇東西委實太精彩了, 非存下來個星期看一遍不可.)



    :: Blogger 梁巔巔 (14.01.06, 20:48   ) sagt...

    sf,

    Wei wei, 我另在貴 "本事" 留了言. See see la. :)



    :: Blogger winking (15.01.06, 17:43   ) sagt...

    咦?除咗〔是但啦〕哩句之外,餘下嘅都甚少聽聞喇~

    〔是但啦〕其實都不是太惹人厭,最乞人憎係口口聲聲〔是但啦〕,然後又好有所謂嘅人,哩類人會應允咗以後覺得自己sacrifice咗自己嘅利益及權利,然後生對方悶氣,怨懟之聲不絕於耳......-_-

    呀,係呀,想貓今天去龍蝦灣d相比你,請告訴我你嘅電郵地址啦~謝~:)



    :: Anonymous nana (06.02.06, 01:36   ) sagt...

    又是路過的我^_^
    這個好準喲!!!
    不過我想就算男性看過這篇文章他們都不會記掛在心
    =口=



    :: Blogger sf (06.02.06, 19:16   ) sagt...

    nana, 野, "又是路過的我", 那到底是你又路過丫, 還是你說自己是過路人之一O者? :)

    這些話, "男人不會記掛在心", 但肯定會記掛在口. 唉.



    :: Anonymous nana (07.02.06, 00:11   ) sagt...

    嘩哈哈哈~
    怎麼啦...
    我不想做過路人的喲~
    我想做常客的喲~

    您很出名的吧?
    不然的話, 怎會有這麼多人來您的Blog~

    我給我的email您喲~
    i__am__yours@hotmail.com



    coComment


    :: Kommentar veröffentlichen
     (留言請留名, 謝!)


    Links to this post:

    :: Link erstellen

    << Home