posts | comments | archives | links | create | song
(reminder: all quotes here are fiddled, probably.)

小家大學

  • 溯洄從之

  • 從沈三劃處讀到中大的三蚊奇聞, 不由自主歎了口氣.

    中大小家子氣, 我想凡校友無人不知. 今回多走一步, 教學日乘校巴要分自己人與校外人, 向非職員師生的乘客伸手收費, 其理直氣壯可想而知.

    自己身為中大校友, 也不免臉紅. 人家港大, 誠然是貴族大學, 自有一番氣派, 相比起來, 敝母校的寒酸格不由你不承認. 據說中大是所國際上有頭有面的研究型大學, 對有心研究之學子最為禮遇. 既然如此, 且舉兩個與研究生和校友有關的例子, 以證此(發)夢想成為國際一流的大學何其氣度不凡:

    比如研究生半職助教的收入, 人家貴族大學算是津貼, 不用交稅. 中大要學生講骨氣, 助教是自食其力的工作, 所以發給你的是薪金, 要交稅, 而且中大對研究生助教的兼職資歷, 不算半職, 只肯作三份一份工作計算.

    最妙的是校友圖書證, 港大校友不用付年費的, 而且借書可借一個月, 續期三次. 中大呢, 雖然也可以續期三次, 可是每期只可借兩個星期. 而那圖書證是要用真金白銀申請, 盛惠一百五十大元. 這一百五十元有來歷的, 一百元是年費, 五十元是智能卡的費用, 每年續證.

    妙在每年續證, 除了那一百元的年費外, 那智能卡費還是要年年照付的. 為甚麼不可重用舊卡, 省下這五十元呢? 職員鄭重地解釋道, 是因為貼在卡上那行到期日期那行字, "科技不足" 沒法子刷掉重印, 所以每次續證, 都要再多收50%的費用以重新發卡云云.

    聽了如斯合情合理的解釋, 你如果還是牙痛咁聲, 不願乖乖付錢, 中大體貼入微, 自然有周到的安排, 容你一次過付四百元續證五年, 當然卡費還是要付的, 另加五十元. 很替你設想吧. (幾年前的安排是一次過付三百元續證三年另加卡費, 現在已算優惠了.)

    不過, 你最好不要在這五年內到中大進修甚麼課程 (雖然母校時時招手叫校友回來進修), 否則一出學生證, 無論全日制還是兼讀制, 那四百五十大元的校友證大概就要報銷了. 除非你堅持以校友身份用校友證而放棄不用學生身份(學生證)來借書. 因為中大實行的是一人一證政策, 校友證與學生證的借書資格只能二取其一. 這原也無可厚非, 但最精采的卻在後頭.

    放棄校友證是閣下自甘的選擇, 不退款 (即使按比例也不行), 校友證也不能在進修期間暫停. 四百五十元就這樣成了過眼雲煙.

    據說這是中大偉大的一人一證政策下愛莫能助的必然結果, 另一個"沒法子"----只是今次更無可奈何, 不是科技上, 而是行政上. [1]

    中大校友啊中大校友, 這校友的身份真是低人一等! 一葉知秋, 待研究生和校友尚且如此, 更何況那些天天出入, "阻住地球轉, 浪費校內資源"的升斗外判小工人.


    PS:
    要收費, 不如收教職員子弟的乘車費吧![2]


    ----------

    footnote:
    [1]現在是否改善了不知道, 至少上年年尾仍是如此.
    [2]你看有沒有人挺身而出, 告訴我教職員子弟及其家傭 "沒有" 中大通, 丫拿.

    15 Comments:

    :: Blogger Yun (06.09.07, 02:46   ) sagt...

    聽落又真係好cheap喎!

    大學圖書管要收費﹐都係第一次聽。好離譜唧。比我就一定唔會要圖書證架喇。

    嘩﹐研究生半職助教的收入要當薪金?! 冇野下話﹐雞水咁多唧喎。好慘!

    我讀大學時﹐個學生證好似係通行證﹐一卡通行架喇。仲係好多好多年前既事……不過﹐如果冇student/staff ID﹐搭校巴係要俾錢既。(我好無聊咁走去我大學既網站睇睇﹐以前收$0.25﹐現在收$1啊﹗)

    又﹐有學生證﹐搭公共巴士係有折架!(學校附近的。)



    :: Anonymous Justin (06.09.07, 04:10   ) sagt...

    我以前曾經以為中大個lib system好好,點知來左美國讀書後,才發覺它還很笨。

    這裏,我同一時間可借三百本書,並且,今日借的書,明年六月中才要歸還,並可以續借三次。

    另,想不到船山先生都有動氣的時候!



    :: Blogger Yun (06.09.07, 07:55   ) sagt...

    > 另,想不到船山先生都有動氣的時候!

    哇哈哈哈!

    Sorry... 真係覺得好笑丫嘛。^^

    又﹐我大學既圖書管好靚好大架﹐不過我好少去。:P



    :: Blogger Samsara (06.09.07, 13:08   ) sagt...

    吓,中大仲小家成咁,真係唔講都唔知。

    我己以前聽人講中大咁窮係因為政府只資助三年學費但中大四年制,所以要三年錢攤開四年駛。

    但係,依家中大改做三年好多耐啦喎,無借口啦吓。

    中大咁窮,睇來都係要揾返d強而有力既捐款措施,李+x不過係亞洲富豪,要走向國際,不如改名做標爾基大學啦!



    :: Blogger Samsara (06.09.07, 13:16   ) sagt...

    又,你改左layout之後我都無障礙可以留言啦!



    :: Blogger sf (06.09.07, 18:11   ) sagt...

    沈三畫, 改左layout之後能夠幫到你 讀同寫既障礙呢, 我都好開心. ;P 四改三, 少左A/C可以砌數, 所以仲窮囉或者.

    小雲, 你個間唔使講啦.

    justin, 三百本!?



    :: Blogger 惡女 (08.09.07, 03:15   ) sagt...

    畢左業之後我對呢間鬼大學o既怨恨簡直與日俱增,等我整理吓思路,一鑊過寫出黎!



    :: Blogger sf (08.09.07, 12:03   ) sagt...

    惡女, 交纏.



    :: Anonymous etranger (08.09.07, 17:21   ) sagt...

    e 惡女原來係我師妹
    今日天氣好好
    秋風送爽
    (一個最鐘意認咩認咩的et)

    我都有張付費證
    最初好似話個50元係一次過
    後來又轉咗一人一證
    我由佢expired算
    找人係對面海幫我借
    要入去
    你拿張銀行信用咭出來好過

    btw.我仲用富貴巴coupon
    有冇人有用
    我可以mail比你地



    :: Blogger 七十樓危危下望 (08.09.07, 22:09   ) sagt...

    乜圖書証唔同左咩?
    吓吓吓
    當年呀蘇教授話抵呀你仲唔申請?!
    我要回水!



    :: Blogger 七十樓危危下望 (08.09.07, 22:09   ) sagt...

    乜圖書証唔同左咩?
    吓吓吓
    當年呀蘇教授話抵呀你仲唔申請?!
    我要回水!



    :: Blogger sf (09.09.07, 00:06   ) sagt...

    et,
    現在還是夏末,
    未入秋呢.
    咦, 本97同學會
    你有沒有份寫呢?

    (點解D人係到講野個個都咁禪?)

    > 你拿張銀行信用咭出來好過
    呢句真係好真.

    另, 那位Bove先生
    在WTO會場內,
    著件WTO OUT T-shirt.
    真係好正.

    好奇, et你怎麼摸到這裡來的?



    :: Anonymous etranger (10.09.07, 23:31   ) sagt...

    船山先生:

    謝謝來訪
    我是從公園仔個blog click 過來
    之前都有睇開你個blog

    我一向只會係公園仔度自語自言
    最近"認"得人多咗
    如惡妹妹 火媽媽 小貝貝
    胆大了起來

    咁啱你講起lib card同校巴收費
    所以搭咗咀

    你見我寫野咁廣東話
    都知唔會關我事
    不過我係個blog透露咗女人的secret tim

    wto所見
    很多自稱ngo的都有唔好的一面
    始終都係人

    香港政府企圖阻止jose bove入境
    咁啱有個彩虹先生幫佢手 (政府一定好後悔比錢請咗佢)
    聯絡到正在做radio直播的pascal lamy幫佢入境

    經彩色先生多番渲染
    成個wto team都知
    人人都追住jose bove 影相

    我又長篇大論咗tim
    啱啱先諗起可以係自己個blog寫
    下刪三千字
    失禮晒



    :: Blogger sf (12.09.07, 11:06   ) sagt...

    et, 你留言多長也可以, 我都愛讀.



    :: Blogger Carole (04.10.07, 03:13   ) sagt...

    我今日做咗得益者
    但見d學生都仲拿張證係度show
    不過個錢箱封咗
    無得入錢

    今日french soc的人
    以為我地呢d老餅係學生
    真係唔知有冇搞錯

    不過收拾時
    佢地又唔見咗人
    得番我地呢d老餅同一個old man
    我以為我今日係賣酒ge多d



    coComment


    :: Kommentar veröffentlichen
     (留言請留名, 謝!)


    Links to this post:

    :: Link erstellen

    << Home