這才是議會工作(存錄)

g~, 社福界．尊貴．梯隊(節錄):

係衣度既常客的話，都會知道，尊貴入面，我欣賞既唔多，係得個幾位﹕第三大黨入面有李前主席、現任何主席、同埋緊身；公民袋既，就有正常版本吳大狀；獨立既，有半個陳智思，同埋，社福界代表(well，我唔當佢係公民袋人囉)。

李前主席麻，無可否認既係，佢好享受政治明星既身份；佢亦都唔懂得帶領民主運動，推動政治組織。不過，佢咁多年，真係有堅持，真係有犧牲；佢既處事方式佢既氣質，真係話到比你聽咩係民主。所以，雖然佢而家有d不合時宜，亦都開始唔明白香港人既轉變。又之但係，佢始終令人尊貴。

何主席麻，能力真係咁多位入面較弱個個。不過，佢肯聽意見，同埋有多少原則，肯做好多其他人唔做既野。例如，攪咩保釣，攪咩維權律師運動，佢除左真係肯參與外，仲肯落手落腳去攪去做。例如，攪維權運動，佢真係絕食；攪保釣，佢真係落手落腳。其他尊貴，有幾多會咁做﹖

緊身麻，我唔似其他bloggers或評論員咁同佢咁熟絡，咁清楚佢有冇做地區工作。不過，作為一個尊貴，佢比九成以上既尊貴勤力同埋有能力。以勤力黎計，「勤做」地區工作既第一大黨同第三大黨諸君有幾多人會參與「出唔到鏡」但係重要既審議法案工作﹖以能力黎計，公民袋人有能力--不過，隨左吳狀之外，有幾多人會做咁多法案同委員會工作﹖

又，當係廣告﹕http://tokunsun.org.hk/leg/index.htm 將佢同其他人比，你就知咩叫尊貴應付既責任。

...

吳大狀麻，佢同緊身一樣，都係做好多冇人肯做既法案工作；就算講好多其他人都「做」既法案工作，都冇人好似佢兩個咁癲咁勤。淨係睇截聽條例，都會知道佢兩個真係值得尊重。

半個陳智思麻，其實，佢唔太勤力。不過，我對佢非常有好感﹕可能因為佢本身既健康問題，佢真係會關懷弱勢，真係會思考、關心好多其他尊貴唔會理既問題。

*****

講完咁耐，其實係想回帶，講講尊貴應該做咩。

區議會選舉過後，好多人都話，政黨應該做多d地區工作。不過，其實政黨應該做咩，又或可以做咩﹖

不過，眼訓，唔講衣部份。

至於梯隊，都唔講。不過，好多人叫咩「做左咁多年既應該退落黎比第二梯隊上位」。咁，聽完，我淨係會問，尊貴應該做咩﹖原來，尊貴既功能就係，比人上位。無論你有冇能力，勤唔勤力，選民認唔認同你都好，總之做得耐，就要走。

大佬，如果你話要甘威或前九龍城副主席換緊身甚至何主席，我情願你唔換。換荔枝明或不似人君，就可以諗諗--雖則，都要真係考慮考慮。

延伸:
* 社福界代表