細良上身之作 (存錄)

呢篇野串得夠抵死.

轉引自阿邊個囉. 為免佢隻吉祥物贔屭又來搞搞陣, 姑隱其名 (最少唔好關我事先啦).

睇你點玩先 (2)
原本想特手/細良上身，寫篇野回應公民袋。不過，眼訓，亂扮特手寫d point算。

又，個題原本叫「找死」，係比公民袋既。不過，唔知特手會唔會 (or 敢唔敢)同公民袋硬併。所以，換個個題。

*****

1. 公民袋一直提倡既公平競爭法其實同郭柏偉等先行者提出既「積極不干預政策」有矛盾。所以，當我聽到余若薇提到「擔心政府放棄積極不干預政策，將影響香港在國際間的聲譽」時，我有些少攪唔清楚公民袋對政府係經濟上面既角色既立場；

2.如果連社會上既精英、立法會議員都就政府係經濟上既角色感到混淆，一時間認為政府應該奉行積極不平預政策，一時之間又希望政府訂立公平競爭法以規管私人企業既行為。咁，我地更加應該討論咩係「積極不干預政策」；

3.當然，作為務實既香港人，我地唔應該將討論流於口號化，亦都唔應該只係以理念作為討論既基礎；我地更加應該實事求事，討論下香港一直以黎香港政府既經濟政策，香港政府係「積極不干預」既綱領下有咩經濟上與及社會上既角色；

4.回顧返香港社會既發展，政府係好耐之前已經就房屋、教育、醫療、以至土地方面有或多或少既參與。衣種參與，部份係直接參與市場活動，部份係建立市場規限。所以，雖然香港政府一直以黎奉行「積極不干預政策」，不過其實香港政府一直以黎為左社會穩定，為左市民既福祉，都有介入市場活動；

5.所以，當我地理解「積極不干預政策」時，我地除左要著眼於「不干預」時，亦應著眼於「積極」二字既含意。再者，隨住經濟與及社會狀況既轉變，我地亦都要謹慎地反思有關政策對社會既影響，而唔應該只係流於理念上既討論，認為有關既政策一定唔可以作出改變。

6.以「積極不干預政策」為例，我地一直以黎講既都係 政府盡量減少直接參與經濟活動，盡量縮減政府開支。不過隨住社會既發展，香港政府有義務，亦都要承擔更多既社會責任。同樣地，隨住商業活動既發展，香港政府亦都有責任訂立更完善既規則，讓各階層都能夠有公平既平台黎到競爭，黎到發揮自己所長。

7.正正因為咁，我提出香港政府已經唔再奉行「積極不干預政策」，主要係希望市民能夠放棄空泛既理念，而轉向務實地討論香港政府應該扮演既角色。

8.最後，余若x擔心「政府一旦改為更積極參與市場運作，將引發社會更為關注政府與商界之間是否存在利益輸送」。係衣方面，我希望余若x能夠對政府有信心。同時，如果公民袋真係認為香港應該制訂公平競爭法時，就更加應該對香港政府有信心，同時亦應該更仔細理解「積極不干預政策」係八十年代，近九十年代，以至係而家香港社會既意義。

******
當然，我又唔信特手有guts講上面(或者其他能夠 激起討論)之類既野。

有既話，我真係會話佢係政治家----香港，就係需要衣種政治人物。

(之前講過話公民袋有條件做；不過，佢地唔會，亦都唔覺得需要做囉)

又，上面既野我係咁寫咋，唔代表係我既立場﹕上面，我係精神分裂扮特首寫咋。

附:

睇你點玩先 (1)
政策政情 P05 信報財經新聞 2006-09-15

公民黨斥突棄不干預政策

　　行政長官曾蔭權稱積極不干預政策不再是特區政府施政藍圖後，政界開始炮轟政府的經濟政策搖擺不定。公民黨黨魁余若薇【圖】昨天向曾蔭權發出公開信，要求澄清政府新的施政理念。

　　余若薇指出，政府突然放棄長期奉行的施政方針，過程又未有諮詢公眾，令人質疑政府制訂政策的態度兒戲。過去政府一直奉行積極不干預政策，但曾蔭權突然指積極不干預政策不再存在，給予公眾非常混亂的訊息，令人無所適從。

公開信提出六大質詢

　　她強調，積極不干預政策與「大市場、小政府」之間沒有衝突及牴觸，難以理解政府為何有此改變。她說，國際社會一直視香港為最自由的經濟體系，擔心政府放棄積極不干預政策，將影響香港在國際間的聲譽。

　　余若薇在公開信中向曾蔭權提出六大質詢，要求政府解釋放棄積極不干預政策的理據、積極不干預與「大市場、小政府」的分別、目前政府是否將會加強干預市場的力度、在不同政策上扮演更主動角色推動可持續發展、交代日後公眾在制定干預政府的參與程度，以及放棄長期堅持的積極不干預政策於國際間所造成的損害。

　　余若薇更擔心，政府一旦改為更積極參與市場運作，將引發社會更為關注政府與商界之間是否存在利益輸送，以影響明年三月的行政長官選舉。她促請政府盡快回應社會疑慮，消除政治交易的陰影。

陳鑑林認同市場主導

　　不過，民建聯陳鑑林認同政府改變過去積極不干預的施政態度，並指目前「市場主導、政府促進」的策略，更為適合目前的經濟環境。他分析說，經濟全球一體化及內地逐步開放市場，政府不能夠再按過去的政策模式，對市場的改變不作任何政策。

　　陳鑑林更指出，在內地進一步開放市場的情況下，政府的角色更為重要。他呼籲，政府在重視市場主導的同時，應加強政府的牽頭角色，協助香港的發展。

　　行政長官辦公室發言人表示，已收到公民黨發出的公開信，待進一步了解信件內容後，會向該黨詳細回應■　　

文章編號: 200609153910008