g~投票

g~留言於 陳方安生的「拉衫尾」論

丫，今日梁啟智係明報寫左篇「當政情版變成娛樂版」，寫左我部份講既野。佢講供，我其實就一直講埋供求–報紙寫深小小，寫多小小，係有人願意睇既 (頂，我係上面個post冇，不過一路係其他地方都有喇)。

當然，其實我講既重點都係，選民明唔明白香港政治環境，報紙作為中介亦冇真係將香港既政治呈現比選民睇(即係梁啟智講既野喇)。最後，香港人唔信政治，香港周街都係政治犬儒。

(上面衣段，係重點呢)

再講多小小。早兩年(甚至而家都係)，好多人鬧立法會議員「小小都做唔到」，所以唔會投票。

去到近兩年，好多報紙講「分組點票機制」之後，就開始有人會話「係而家制度下立法會議員係做唔到野架喇。所以，支持長毛社去攪局鬧下政府都好」。

不過，講到尾，其實議員點「做唔到野」都好，都要審好多bill﹖近排講歧視講警監講空氣相關既條例，其實都係要班議員開好多次會認真咁審。又不過，幾多人有留意，其實班議員係「要做野」﹖

如果有選民話，「我投余若薇，係因為我知道立法會議員係要審bill或監察政府，甚至好似張超雄個隻利用議員身份做好多推動社會既野，所以我要一個專業人士做議員」。係咁既話，非常之好。不過，幾多人會話到比你聽，除左形象上，或好抽象既「監察政府」之外，我點解會支持某人﹖

(當然，唔打咁多字。選民同政治人冇溝通，選民、政黨同傳媒都有責任。不過，我衣度講既係，前兩者覺得唔需要或冇渠道同對方溝通[經典事例--睇余大狀網頁，就知佢有幾重視任何溝通既方法]，後就作為溝通媒界就….睇返梁啟智寫咩)

而家公民黨，其實就係行緊民主黨九十年代初個條路—-當年就我掛隻鴿出黎就會羸 (我見到隻鴿就會投)。至於你真係做緊咩有咩政策立場有咩願景，我鬼知 (可能睇開孫柏文既就知，佢地支持某種形式既最低工資；其他人，幾多人知)。

(丫，其實呢，你講曾國豐做到野呢，你淨係講個次選舉咋麻﹖至於貝理雅，講得好–貝理雅當日推動工黨爆炸式改革，之後巡迴整個英國，親自話比選民聽佢有咩改革，嘗試說服工黨既選民佢提出既願景係咩)

丫，最後，補多句﹕冇錯，有普選的話可能可以改變政治生態。不過，而家冇丫麻。而係咁既情況之下，民建聯其實真係好強勁又好PK咁利用到衣個生態—-佢地一路都將立法會區議會化，一個立法會議員要做「地區工作」，要「做實事小說話」。

佢地，手法以至所有野都真係仲PK過泛民—-政治智慧除外。